2023 жылдың 6 қараша күні Қарағанды облысы білім басқармасының Шахтинск қаласы білім бөлімінің «Нұрғиса Тілендиев атындағы балалар музыка мектебі» КМҚК,« Біртұтас тәрбие бағдарламасы аясында, «Мейірімділік пен музыка әлеміне саяхат» атты мектепшілік іс- шара өткізді.
Мақсаты: Тәрбие жұмысында тәрбие құндылықтары, тәрбиені жүзеге асыру тетіктері, тәрбие тұғыры, сынды 3 құндылық тәрбиеге негізделген бағытқа басымдылық беру арқылы баланы ел мен жер тұтастығын, ел тәуелсіздігін қадірлей білу, ар-ұят, намысты жоғары ұстауға, адал еңбек пен қызмет етуге, қоғам игілігі үшін азаматтық белсенділік танытуға, жауапкершілікті саналы түсінуге, салауаттық, зияткерлік құндылықтарға негізделген тәрбиеге басымдық беру. Рухани-адамгершілік құндылықтарды, мінез-құлықтың этикалық нормаларын қалыптастыру, жеткіншек ұрпақты тәрбиелеудегі ата- ананың ролін айқындайтыны.
Оқушылармен мейірімділік пен зұлымдылық, сыпайылық, көңіл бөлу туралы пікірлерін ортаға салды. Домбыра сыныбың оқушылары сұрақтарға жауап беріп, жұмбақтар шешті, «Мейірімді сөздердің маңыздылығы», «Өзгеге мейірімділік сыйла» конкурстарына қатысты. Мейірімділік отбасынан басталады, «Отбасым байлығым» атты әнді аналар караокемен біріге шырқады. Іс-шара қатысушылары «Сыпайылық пен мейірімділік» атты ерекше сыйқырлы елге есте қаларлық саяхат жасап, ұлы адамдардың шешендік сөздерімен танысты, оқушылар өздерінің игі істері мен әрекеттері туралы айтты. Қатысушы аналар балаларымен қайшысыз қиындыны, түрлі түсті қағаздармен көрсетуге тырысты. Домбыра сыныбының оқытушысы Жуманбаева Гүлім Сериковна әр оқушының отбасындағы қызықты жайттардан жасалаған видеоны, аналар мен балалардың назарына тосын сый ретінде видео сюжет көрсетті, және аналар осы Мейірімділік тақырыбына өз отбасыларына қатысты дәстүрлері бар екенін жарыса жалғастыды. «Мейірімділік әлеміне музыкалық саяхат» оқушыларға жалпы адамгершілік құндылықтарды тереңірек түсінуге мүмкіндік береді», -деген ой тұжырммен, ұйымдастырылған іс-шараны жоғары деңгейде өткенін қошеметпен айтып, тарқасты. Алдағы уақытта Гүлім Сериковнаға өскелең ұрпақты тәрбиелеу жолындағы еңбегіңіз жемісті болсын демекпіз!