Домбыра – қазақ халқының   өте ерте және кең тараған, нағыз ұлттық музыкалық аспабы. Аспап әр түрлі улгіде тұтас ағаштан ойылып жасалады.  Он тоғыз пернесі болады. Күй арнайы құлақтарымен келтіріледі. Аспап үні қоңыр, құлаққа жағымды әрі жұмсақ болып келеді.

Біздің мектепте қазақ халық аспаптар бөлімі 80 жылдардан  бері жұмыс атқарып келеді. Өз жұмысын домбыра аспабымен таныстырып отыр. Алғашқы болып қызмет еткен тамаша ұстаз- Жакишева Айжан Жансеитовнаның еңбегі орасан зор. Қиын кезеңдерге қарамай соңынан келген  мамандарға қалдырған ісі  үлгі бола білді.  Одан кейінгі мұғалімдер Рахимова Жанар Омирханқызы, Татиева Жансая  қызмет атқарып кетті. Аты аталған ұстаздардың мектебіміздегі алар орындары ерекше. Балаларды домбыра аспабына үйретіп қана қоймай, олардың ары қарай домбыраны жалғастыруына өз еңбектерін сіңірді. 

2012 жылдың наурызынан жұмысқа қабылданған жас маман- Бесенбай Бахболат осы жылдар ішінде көптеген шәкірттерді тәрбиелеп шығарды. Ол өзінің біліктілікін арттырып, жоғарғы санаттағы ұстаздар қатарына қосылды. Шәкірттері талай конкурстардан бас жүлдемен оралды. Шәкірттері Республикалық конкурстардан Түркия еліне жолдама ұтып алғаны ұстазының қажымас қайраты мен талмас еңбегінің арқасы деп білеміз.  Қазіргі таңда ұстаздық пен қатар бөлім халық бөлімі меңгерушісі қызметін қатар алып келеді. 

Мектебіміздің түлегі Абенова Шынар Саттаровна ары қарай оқуын жалғастырып, біздің мектепте  жұмыс атқарып жүр.